2023 чылдың июнь 23-те Өвүр кожууннуң М. Доржу аттыг төп ном саңынга "Тывада сөстүң уран чүүлүнүң шылгараңгай төлээзи" деп байырлыг ужуражылга Тываның Улустуң чогаалчызы Николай Шагдыр-оолович Куулар-биле ооң 65 харлаанынга база чогаадыкчы ажыл-ижиниң 50 чыл болган юбилейлеринге тураскаадып болуп эрткен.
Хемчегге Н. Кууларның чогаалдарының мөгейикчилери, чоок төрелдери база ужуражылганың хүндүлүг аалчылары Тываның ат сураглыг, билдингир херээжен чогаалчылары, эртемденнер М. А. Күжүгет, З. С. Серен-Чимит, А. М. Соян, ТКУ-нуң практикант-сургуулдары киришкен. Россияныӊ Чогаалчылар болгаш Журналистер эвилелдериниӊ кежигүнү, Тыва Республиканыӊ культуразыныӊ алдарлыг ажылдакчызы, чаңгыс чер чурттуувус Николай Кууларның чогаадыкчы ажыл-ижинге бедик үнелелдерни, чылыг, солун сактыышкыннарны чыылганнар чугаалап, ооң ыры кылдыр хуула берген билдингир ырыларын культура ажылдакчыларының күүселдезинде дыңнап, шүлүктерин улуг, бичии киржикчилер күзелдии-биле сагыш-сеткилинден чугаалап, байыр чедириишкиннери чаңгылынып турган.
Өвүр кожууннуң Баштыңы А-Х. И. Лопсан-Серен сураглыг, Российжи чогаалчылар ортузунда шылгараңгай чогаалчывыска "Өвүр кожууннуң хүндүлүг хамаатызы" деп дээди шаңналды тывыскан.
Николай Шагдыр-оолович бодунуң өмүнээзинден май-июнь айларда чарлаттынган Өвүр кожууннуң шүлүкчүлериниң аразында 2 -ги "Чечен-мерген чогаалчылар кавай чери
Сеткил-чүрек байлаа сөзүн бараалгатты!" деп мөөрейниң тиилекчилерин шаңнап-мактаан.
Мөөрейниң тиилекчилери:
1 ги чер - А. Д. Осурбай ( Дус-Даг),
2 ги чер - Монгуш С. С. (Хандагайты),
3 кү чер - Ч. Э. Ондар, З. Д. Монгуш (Хандагайты). Дус-Дагның төлээлери Б. М. Күскел-оол, С. О. Седен-оол, М. Т. Сандан олар мөөрейге эки киришкеш, чогаалчывыстың сөөлгү үнген номнары-биле хүндүлүг бижиктерни, Николай Шагдыр-ооловичиниң тускай шаңнал бижиин Кежик Кошкар-оолга тывыскан.
"Тывада сөстүң уран чүүлүнүң шылгараңгай төлээзи"
24 Июн.
.jpg)
.png)
.jpg)
