Хүндүлүг, номчукчу!
Кожууннуң Монгуш Доржу аттыг төп ном саңында "Школаның ном саңы" деп регионалдыг төлевилелдиң "Классик чогаалчылар" деп сериязының чаа номнарын таныштырдывыс."Школаның ном саңы" деп регионалдыг төлевилел "2017-2020 чылдарда тыва дылдың сайзыралы" деп Күрүне Программазын боттандырары-биле кылдынган. Төлевилелдиң удуртукчузу база номнарның үндүрүлгезиниң харыысалгалыг редактору Национал школа хөгжүдер институттуң директору, философия эртемнериниң кандидады Сайзана Сергеевна Товуу.
"Школаның ном саңы"
- ниити өөредилге школаларында, гимназияларда база лицейлерде чогаадыкчы намдарын өөренип турар тыва классиктерге тураскааткан:
- чогаал бурузунуң өзек-даа, хандыр өөренир-даа программазынче кирген чогаалдарны киирген:
- классиканы үндүрүп турар өске үндүрүлгелерден башкыларга байлак тайылбыр болгаш методиктиг материалды бараалгадып турары-биле ылгалып турар:
- өөреникчилерге чогаалчының тыва литературада туружун болгаш ооң дугайында билиглерин делгемчидеринге дузалаар чүүлдер кирген (допчу намдары, критиктиг статьялар, библиографиязы дээш о.ө)
Оон аңгыда "Школаның ном саңы" - доозукчуларга болгаш абитуриентилерге солуттунмас дузалакчы.
Чаа номнарны Өвүр кожууннуң Монгуш Доржу аттыг төп ном саңының чурт шинчилел килдизинден бижидип номчуп болур.
.jpg)
.jpg)
.png)
