АРТАС МӨГЕ ОГЛУВУСКА
Тыва чуртум ыдык тугу хөлбеңейнип,
Делегейни эргеледип шыва ап тур.
Тыва чонум ыдык ыры чаңгыланып,
Делгемнерде тааланчыг дыңналып тур.
Эңмек хая шыпшыын тевер эзир түрлүг,
Эрес Артас эннешпестиң бедиин ап тур.
Таңды-Саян чоргаар ээзи - сүрлүг буур дег,
Таваар Мөге - Артас чоргаар девип туру.
Өде-чара, дидим, эрес тыва чонун,
Өгбе-салгал ээлеп чурттаан Тыва черин
Өртемчейге алдаржыдып делгереткен,
Өде-чара, эрес Артас хөөмейлеп тур.
Сорулгазы арт-сын ашкан мөге эрниң
Содак-шудаа сыңышпастап турар болзун!
Артас Мөге артынчаанга алдын дүшсүн!
Алыс салган чырык күзел херелдензин!
Лидия Ооржак,
04.08.2021 чыл.
Артас Санаа
04 Авг.
.jpg)
.jpg)
.png)
