Төпчүткен номнар саңнарының ажылдакчылары
Шагның аазы, чаагай өйү
Шагаавыс-даа моорлап келди.
Шайым үстүн хүнче өргүп,
Чаа үнген чылывыста
Шаам-биле сүзүктенип,
Чалбаргылап, кежик дилээйн.
Эгээрттинмес бай-байлаан
Эдек долдур биске шаңнаан
Энерелдиг Инек чылын
Эргин ажыр үдеп тура,
Четтиргеним илередип
Черге чедир мөгейип каайн.
Хаалгамны ажыдып ап,
Кара Парым уткуп, хүлээп,
Ширээ долдур чемим делгээш,
Ширтек, олбуум чада салып,
Шайым кудуп, дөрже чалааш,
Шагаа-биле чолукшууйн.
Хамык чонну түрегдеткен
Хамчык аарыын когун үзүп,
Камгалап көр, хайырааты,
Камгалакчы, эргим Парым!
Каткы, хөглүг чуртталганы
Катап биске эгидип көр!
Тараа-быдаа, үнүш-дүжүт
Дазыр хову сыңмас өссүн,
Анай-хураган, кулун-бызаа
Аал сыңмас дешкилешсин,
Ажы-төл-даа дөрге сыңмас
Аалажып немешсин-не.
Ава Тывам сайзыразын,
Ам-даа улай хөгжүзүн-не!
Аржаан суглар, хемнер, хөлдер
Арыг, кылаң агып чытсын,
Арттар-сыннар, арга-арыын
Аңнар-меңнер аргызын-на!
Улуг-биче арат чонга
Ууттунмас кежик-чолду
Үнген чылым хайырлазын!
Ада-чуртум тайбың турзун,
Аас-кежик, өөрүшкү
Аалывыска доктаап турзун!
КУРАЙ-КУРАЙ-КУРАЙ!
Чечена Монгуш 02.02.22
Шагаа - 2022!!!
30 Янв.
.jpg)
.jpg)
.png)
