АПРЕЛЬ 23 - БҮГҮ ДЕЛЕГЕЙ ЧЕРГЕЛИГ НОМ БОЛГАШ АВТОРНУҢ ЭРГЕЗИНИҢ ХҮНҮ
Бо байырлал хүнүн 1995 чылдан эгелеп ЮНЕСКО-нуң тургусканы-биле чылдың-на апрель 23-те демдеглеп турар.
Делегей чергелиг байырлал - номну хүндүткеп байырлаары база номга ынакшыл 20 вектер эгезинде Испанияның Каталонияга тывылган.
1923 чылдың апрель 23-те тус черниң ном чогаадыкчылары кайгамчык улуг ном делгелгезин кылганнар. Ол хүннүң чугулазын делегей болгаш европа литературазынга үндезилеп шилээн. Чүге дээрге, 1616 чылдың апрель 23 - делегейниң шылгараңгай чогаалчыларының чок болганы база оларга тураскаал хүнү. Олар кымнарыл?
Мигель де Сервантес - испан чогаалчы, Уильям Шекспир - англи шүлүкчү болгаш драматург, Инка Гарсиласо де ла Вега - испан шүлүкчү, чогаалчы, солдат, дипломат, политик. Оон ангыда апрель 23 дараазында билдингир авторларның төрүттүнген азы чок болган хүнү болуп турар, Морис Дрюон, Хальдоур Лакснесс, Дж.Пла и Мануэль Мехиа Вальехо.
Амгы үеде апрель 23 - библиотекарьларның, чогаалчыларның, журналистерниң, ном үндүрүкчүлериниң болгаш садыкчыларының, номга болгаш номчуттунарынга ынактарның ханы уткалыг байырлалының хүнү.
Делегейниң мерген угаанныгларының ном болгаш номчулгага хамаарыштыр илереткен бодалдары:
- Хүн бүрүде оода бир ырыдан албан дыңнап ап, эки чурук көрүп алыры, болдунар чүве болза, ханы уткалыг мерген сөстер, бодалдар, чаңгыс домак-даа номчуп алыры ажыктыг.
И. В. Гёте
- Ном мээң доктаамал эдеринчим. Ном чок болза, чуртталга чок деп бодаар мен.
Д. Олдридж
- Номнарны өртедиринден-даа аар кем-херек үүлгедиглери бар. Оларның бирээзи-оларны номчувазы.
И. Бродский
- Чоннуң өндүр чаагайын кижиниң өндүр чаагайын ооң дурт-сыны-биле хемчээвези дег, чоннуң саны-биле хемчээвес, бо таварылгада чаңгыс-ла хемчээл - угаан медерелдиң сайзыралы, мөзү-шынарының деңнели.
В. Гюго.
Ном саңнарында кадагалаттынып чыдар ном бүрүзү чоннуң байлаа, оларга немей ховар номнарны дилеп, чыып, медээ тайылбыр ажылын чорудуп, чыгдынган номнарны камнап-кадагалап салгалдарывыска арттырар дээш ажылды чорудуп турар бис. Кожууннуң М. Доржу аттыг төп ном саңының чурт шинчилел килдизинде "Автографтыг номнар" шыгжамырында чылдан чылче чаа номнар немежип, оларның даңзызын тургузуп, номчукчуларга таныштырып номчууру-биле сүмелеп турар.
Хүндүлүг номчукчу!
Амгы үеде сөөлгү чылдарда авторларның хол үжүүн бижип сөңнээн солун, ховар номнарын "Автографтыг номнар" деп дериттинген номнар делгелгезинден сонуургап номчууруңарны сүмеледивис.
Медээни М. Доржу аттыг төп ном саңының чурт шинчилел килдизиниң эргелекчизи очулдуруп, таныштырган.
АПРЕЛЬ 23 - БҮГҮ ДЕЛЕГЕЙ ЧЕРГЕЛИГ НОМ БОЛГАШ АВТОРНУҢ ЭРГЕЗИНИҢ ХҮНҮ
21 Апр.
.jpg)
.jpg)
.png)
