Шагааны ойнап, хөглеп, танцы-сам биле уткуур чаңчыл бар. Ынчангаш, февраль 8-те Монгуш Доржу аттыг төп ном саңынга улуг назылыгларның "Соруктуглар" деп клубтуң чыыжы болуп эрткен. Аңаа бо чылда салдынган планын чугаалажып, Шагаа таварыштыр янзы-бүрү арга-сумелери биле солушканнар. Чыышты Тюлюш Ирбен-оол аттыг уругларның уран-чүүл школазының башкызы Кара-Сал Д-Д. К. хөгжүмнүг байыр чедирген.
Чурт-шинчилел килдизинин эргелекчизи Инек чылын канчаан уткуп алырын, чаа үнүп кээр чылда онза чүүлдерни тайылбырлап чугаалаан. Уран-чүүл килдизи "Кожамыкка кончуг-ла мен!" деп мөөрейни эртирген. Мөөрейге ниитизи-биле 8 киржикчи киришкен. Түңнелинде 1 черге Н.Т. Эрес-оол., 2-ги черни К.Ш. Сат., 3-ку черге Н.С. Монгуш төлептиг болганнар.
"Соруктуглар" клувунуң идепкейлиг киржикчилери аян-ыры, танцы-сам биле дыштанганнар.
​​​​​​